Monthly Archives: Desember 2008

Puisi Tegalan

The Long and Winding Road*)

(M.Hadi Utomo)

 

Dalan sing nggērēd sikilku

dalan sing  dawa nemen

tur anginē gedhē, nampeki rai

Perih manjing sajeronēng jakēt

getih dadi mandheg

Tapi lawang umahmu

kayong  ora bakal ketemu

 

Bengi sing peteng nggriyeng

Luh sing ngecembeng

Sikilku terus nggrayangi dalan tut satindak

Angin sangsaya atis , nampeki rai

Tapi lawang umahmu

sangsaya adoh – sangsaya adoh

 

Padhahal

gemiyēn wis tau  tak tengeri

Latarmu tak cebloki mawar abang

tanpa kowen weruh

sapa sing nyawang nganti kamitenggengen

dalan dawa temuju maring lawangmu

The Long and Winding Road

Lead me to your door

 

*(Saka lagunē The Beatles)

 

 

Sastra Tegalan..What’s Next?

Gairah Menulis Sastra Tegalan,

Gairah yang tak Kunjung Padam

 

M.Hadi Utomo

 

        Setelah “heboh”  Peringatan Hari Sastra Tegalan (26/11) dengan serangkaian acara pentas keliling sampai ke Semarang dan Solo, dan diakhiri dengan Jed2an Maca Puisi Tegalan Jilid II dirumdin Wawali Tegal (14/12),sebuah pertanyaan sempat mencuat : what’s next…apa maning kyēh..? Semua penggiat sastra lokal pasti sepakat, agar suasana menggairahkan ini ditindaklanjuti dengan “gairah” menulis. Tapi gairah saja tidak cukup. Seperti yang sudah sering diungkap di blog ini,banyak komponen yang harus mendukung : media,penerbit,khalayak pembaca,peminat dan penikmat,apresiator ,kritikus,   sampai           

stimulus alias perangsang (tidak munafik lho) yang namanya honorarium dan penghargaan materi lainnya. Tanpa dukungan itu semua, mustahil sastra Tegalan akan bisa berkembang.

        Namun pernyataan diatas pasti bakal ditolak oleh Lanang Setiawan,penggiat sastra Tegalan yang menyebut dirinya Begawan (saya lebih suka menjulukinya provokator bahkan “pengasong” sastra Tegalan). Menurut Sang Begawan,watak sastra Tegalan dari “sononya” bukan sastra feodal dan kapitalis, tapi sastra rakyat pinggiran. Ciri khasnya adalah semangat perjuangan dan pembrontakan. Ader ??. Dengan bahasa Tegalan,  Lanang menyodorkan argumentasi (yang tak terbantahkan)….

”Rika bayangna,15 taun saprēnē yanu karo batir2 ,termasuk rika, klethak klethik nulis nganggo bahasa Tegalan. Ana sing nulis puisi,cerdhek,sandiwara Tegalan,lagu Tegalan,nerbitna Kontak,Porem,Literasi nganti Tegal-Tegal….Buku ROA sing fenomenal..sapa sing wani ngobrak-abrik puisinē Rendra,Chairil,Taufik nganggo bahasa Tegal ? Terus digawa kliling mrana2..maring Indramayu,Semarang,Solo,Jakarta..Yanu karo kanca2 nerbitna antologi puisi Tegalan, ana Ruwat Desa,Juadah Pasar,nganti Brug Abangē Erry…Kabēh mung urunan, temoan,kunthēngan sakanca batir…metu sing sakē dhēwēk.Sapa sing perduli ?.Pejabat ?.Pemerintah Daerah?.Kabēh ora iya ora embuh. Tembē,taun 2006 ana sing onggrongan nganakna Kongres Bahasa Tegal (KBT)…tapi babar blas langka sing nyinggung2 sastra Tegalan…sing pada ngomong tah wong pinter2 sing endi2 ora…tapi ora padha paham dinamikanē Bahasa Tegal wis anjog ngendi ? Mulanē jarē aku,KBT kuwē mung sekadar nggo pantes2 ngetokna anggaran…endi follow-upē ?. Tapi saiki alkhamdulilah,perjuanganē kanca batir olih perhatian sathithik sing para pejabat khususē Wakil Walikota Tegal (sing pan lēngsēr) karo Bupati Tegal (sing tembē pan dilantik). Mulanē batir2 aja padha ngresulah..angger tak jaluki sumbangan Puisi Tegalan,kanggo anthologi  sing pan tak terbitna. Langka honorē John,aranē baē sumbangan….”

Pernyataan Lanang memang harus dimaklumi.Jangankan sastra Tegalan.Sastra Indonesia-pun,sampai sekarang masih berada diruang terbatas. Jadi…? Sastra Tegalan masih perlu perjuangan dan pengorbanan. Sampai kapan ?. Perjuangan tidak pernah selesai. Itulah watak sastra Tegalan. Setuju? Silahkan komentar disini….**

 

Narasi Budaya

Sastra Tegalan : Terus Melangkah..

Dalam terminologi politik kebangsaan, kata bahasa terkait dengan pasal 36 UUD 1945 yang menyebutkan bahwa bahasa negara ialah Bahasa Indonesia.Sedangkan mengenai bahasa daerah disebutkan dalam pasal 32 (ayat2) bahwa negara menghormati dan memelihara bahasa daerah sebagai kekayaan budaya nasional. Dalam penjelasan pasal 36 UUD 1945 disebutkan bahwa “Di daerah-daerah yang mempunyai bahasa sendiri,yang dipelihara oleh rakyatnya dengan baik-baik (misalnya bahasa Jawa,Sunda,Madura dsb.), bahasa-bahasa itu dihormati dan dipelihara juga oleh negara.Bahasa-bahasa itupun merupakan sebagian dari kebudayaan Indonesia yang hidup.”

 

 

Bahasa Tegal sebagai bahasa Ibu komunitas Tegal,sudah sejak dahulu digunakan dalam tradisi lisan (bukan tulis,apalagi cetak) sebagai :

sarana komunikasi sehari2  (sesrawungan) komunitas Tegal

sarana komunikasi keagamaan (khotbah,ceramah,pengajian)—-narasi dalam seni pedalangan (wayang kulit, wayang   golek,dalang gletak dsb).   

lirik  dalam lagu2 / gending2 Tegalan dari yang klasik sampai modern a.l.  Blenderan Tegalan/Towet2an Pilus/Widodaren Rangda, Balo2,Menjangan Renggeh2,Kembang Andul dll. Juga lirik dalam lagu2 dolanan anak2 a.l. Tik blirik,Surnyak surgung,Ning-nong-ning-gung iwak ayam dll. Lirik2 lain (kasidah,samroh, lais,sintren dll)

-ekspresi lisan / spontanitas (wangsalan)

 

Th.70-80 mulai masuk media audio (radio siaran)  dan audio visual (TV dan film) berupa sandiwara radio,jingle iklan,rekaman lawak dan dongeng dsb.

 

Th.90 dst. Setelah beberapa penulis/jurnalis menerbitkan majalah/tabl. Lokal,bahasa Tegal mulai digunakan untuk menulis puisi dan cerpen.

Juni 1994 terbit kumpulan puisi terjemahan ROA, Agustus 1994 diskusi Sastra Tegal di Slawi dst.

Sejak itu Bahasa dan sastra Tegal mulai diangkat dan masuk dalam ranah Sastra Lokal yang kemudian kita kenal sebagai sastra Tegalan.

Pentas2 di Semarang,Solo,Indramayu,Jakarta dst.telah sukses mengusung karya2 Tegalan. Begitu juga lawatan para pejabat Daerah (Bupati dan Walikota) juga ikut menyemarakkan Sastra Tegal.

Perlu langkah2 strategis dan terukur.untuk mengembangkan sastra lokal ini, a.l.

-menulis,menulis,menulis, dan menerbitkan dst.

-tidak hanya puisi,tetapi karya2 sastra yang lain : cerdek,monolog,kritik,essay dsb.

-merubah kebiasaan buruk madialokal yang kurang  peduli dengan perkembangan sastra Tegal. Asumsi bahwa dengan memuat karya Tegalan dapat membuat korannyatidak laku,adalah tidak benar sama sekali. Atau beralasan tidak punya dana untuk membayar honor penulis adalah sangat naif. Sekarang adalah era industri kreatif. Media harus kreatif menampilkan konten yang relevan dengan kebutuhan informasi publik, termasuk informasi tentang kreatifitas seniman/sastrawan lokal. Kalau media hanya memuat/ cari tulisan gratis di Internet,meski tidak bermutu dam tidak relevan dengan kebutuhan pembaca, yakinlah bahwa tsb. Tidak akan menjadi besar. Betapapun kecilnya,dukungan pembaca adalah penting. Media (lokal) akan besar kalau bisa melahirkan penulis2 dan sastrawan (lokal) yang    besar. Last but not least adalah kepedulian semua fihak,memiliki komtmen untuk terus merawat bahasa ibu…

Maju terus sastra Tegalan…!

 (Naskah ini rencananya  akan dibacakan dalam acara Jed2an Sastra dan Musik Tegalan di Rumah Dinas wakil Walikota Tegal,14 Desember 2008,namun tidak jadi karena keterbatasan waktu ) ***

Mata

(Cerdek Tegalan)

 

Daning :  M. Hadi Utomo

 

            Kiyé perjalanan dinesé aku sing pertama, sajegé aku diangkat dadi manager promosi nang perusahaan obat nyamuk Cap Monyet Kembar. Dina kuwé aku kudu lunga maring S. perlu arepan mriksa pemasangan billboard, terus mbayar iklan nang radio-radio swasta,terus nemoni panitia pagelaran musik dangdut, negosiasi biaya sponsor, lan keperluan promosi sèjèné nang kota kuwé.

            Jam setengah nem, Pak Ramli supir perusahaan wis teka. Aku gagiyan nyikep Titin, bojoku sing lagi meteng olih limang wulan.Titin tak ambung bathuké karo tak elus-elus wetengé.Citra,anakku sing nembé umur telung taun tèsih turu lali. Wedi mbokan mengko tangi aku mung ngepuk-ngepuk bokongé sing teles kenang ompol.

            “Angger urusané bèrès kabèh sesuai jadwal, aku mung nginep sawengi.Ngèsuk bengi wis balik.Aku nginepé nang Hotel MS,langganané perusahaan.Kanca-kanca kabèh angger dines maring S. ya ngingepé nang kono.Wis ya, aku mangkat” aku pamit karo sepisan maning ngelus wetengé Titin.

            Senanjan mung njagong thok nang mobil, tapi perjalanan nem jam wis tak bayangna keselé.Mobil wis molai metu sing kota.Jagad molai katon padhang. Aku dadi kèlingan maring kanca-kanca sing nang kantor.Kèlingan wingi, bar njukut uang transport karo akomodasi nang Bu Dewi,kasir perusahaan,Pak Jenal karo Mustarip padha marek maring ruangané aku.Pak Jenal kuwé manager pemasaran. Mustarip wakilé Pak Jenal.

            “Aja klalèn Mo, nginepé nang Hotel MS baé.Kowen bisa olih diskon rongpuluh persen,lumayan. Pak Ramli tah wis paham” , jaré Pak Jenal.

            “Bener Mo.Kejaba olih diskon kowen uga bisa ketemu karo sing arané Mbak Asih” ,jaré Mustarip karo gemuyu cekikikan. “Rugi angger nginep nang MS ora ketemu Mbak Asih”, Mustarip ngomong maning karo ngedhèp-ngedhèpna mata kiwané.

            “Mbak Asih sapa ?”, aku penasaran.

            “Mbak Asih kuwé pramupijet nang Hotel MS”, Pak Jenal nerangna karo setengah wisikan.”Senajan wongé ora prawasan atawa tunanetra, tapi …whuih. Kulité putih,bodiné mulus, terus mijeté luar biasa. Pokoké kaya kiyé Mo”, karo ngacungna jempolé sing gedhé nemen.

            “Dadi istilahé dudu tukang pijet Mo, aja salah. Pra-mu-…pijat.Sing arané Mbak Asih kuwé tlapakané,alus nemen.Angger kowen wis dielus nang bangkèkané, tak jamin kowen mrinding nganti tekan balung sungsum..héhéhéhé…” Mustarip merem melik, kayong ngrakasakna nikmet sing ora kira-kira.Aku mung manthuk-manthuk kaya manuk bèthèt ngrokokna promosiné Pak Jenal karo Mustarip.Terus terang aku ora hobi pijet.Saumur-umur aku durung tau dipijeti wong liya,kejaba Titin bojoku.Kuwé baé arang-arang nemen.Kepokoh angger lagi mriyang.Biasané angger awak padha pegel aku mung nginung jamu pegel linu. Utawa Citra tak kongkon ngèdek-èdek gigir karo turon.Tapi nang ngarepé Pak Jenal karo Mustarip aku apèn-apèn tertarik maring sing arané Mbak Asih. Apa maning Mustarip nganti aku pan balik tèsih marani aku nang garasi motor.Aku diwisiki,kayongèn ngomong  rahasia nemen aja kongsih krungu wong sèjèn.

            “Aja klaèn ya Mo.Tulung sampèkna salam sing enyong. Ngomong baè Mas Hendro titip salam, dhèwèké mesti paham..héhéhéhé….” Wah, wupané nang ngarepé Mbak Asih, Mustarip nganggo aran samaran Hendro. Aku manthuk-manthuk, Mustarip katon seneng nemen.

            Pak Ramli kuwé supir perusahaan sing wis luwih sepuluh tahun pengalaman ngater karyawan dines maring luar kota.Mulané dhèwèké apal nemen dalan-dalan nang kota S. Ora mung dalan-dalan thok, tapi uga weruh rumah makan sing enak tapi murah.Malahan dhèwèké apal alamaté radio-radio swasta,tempat-tempat strategis sing dipasangi billboard lan liya-liyané. Jam lima luwih, kayongèn separo pegawéané aku wis rampung kabèh.Langsung chek-in nang Hotel MS.Kabèh diurus daning Pak Ramli. Aku mung nginthil thok apa jaré Pak Ramli.Jebulé aku olih kamar dhèwèk. Pak Ramli ora gelem tak tawani bareng sakamar.Dhèwèké milih kamar sing luwih murah. Ndèyan pancèn kaya kuwé aturané angger nginep karo Pak Jenal utawa karo Mustarip.

Bar mangan bengi,  aku njagong sadhèlat  nang lobi hotel  karo nonton tv. Pak Ramli tah langsung manjing kamaré dhèwèk.

Sing lobi hotel MS katon ana papat utawa lima  wong-wong wadon sing padha njagong nang bangku dawa. Angger ndeleng penampilané bisa tak pestèkna wong-wong wadonkuwé   tukang pijet sing lagi ngentèni panggilan sing tamu hotel. Tapi tak perhatèknasiji-siji langka sing tunanetra.Aja-aja bengi kuwé Mbak Asih ora mangkat,pikiré aku.Penasaran aku metu sing lobi,longak – longok mbokan Mbak Asih jagong nang tempat sèjèn. Tapi langka. Aku pan takon karo pelayan hotel  ora kepènak.Akhiré aku manjin kamar senajan nang batin èsih penasaran.Aku ngrasa anèh , kenang apa bengi kuwékayongèn aku duwé perasaan kepèngin ketemu nemen karo sing arané Mbak Asih.Sing jelas angger ngèsuk balik, Pak Jenal karo Mustarip mesthi bakal takon soal Mbak Asih.

Ya,perasaan kaya kuwé sing ndadèkna  aku gelisah.

Jam sepuluh luwih,mata krasa ngantuk nemen. Sawisié matèni tv, nyong nembé baé arep  merem, ujug-ujug keprungu  lawang ana sing nothok-nothok.Gagiyan aku mencolot mbuka lawang.Tak deleng jebulé pelayan hotel nggandhèng wong wadon, pakèané putih-putih kaya jururawat, karo nyangklèk tas plastik. Mak tratab,nyong kagèt ora kira-kira. Wong wadon kuwé nganggo kacamata ireng ! Nang jero ati aku ngomong dhèwèk “Kiyé pasti Mbak Asih”. Pelayan hotel mung ngomong “selamat malam Pak. Ini pemijat yang biasa memijat teman Bapak  kalau nginep disini.Monggo Mbak” karo nuntun tukang pijet kuwé, terus dijagongna nang korsi.  Aku mung mlongo thok karo nutup lawang, terus njagong nang pinggir dipan.

            “Nuwun sèwu, panjenengan nembé tindak  mriki nggih ?”, tukang pijet ngomong kaya kuwé tapi rainé ora madhep maring aku.Aku durung njawab wis takon maning.

            “Dados,  panjenengan réncangipun  Pak Jenal kaliyan Mas Hendro ?Nepangaken kulo Sumiasih. Panjenengan…, Pak sinten nggih ?” ngomong kaya kuwé karo ngajak salaman.

            “Aku Sukarmo” tangané Mbak Asih sing dislonongna gagiyan tak cekel.Ser, aku langsung kèlingan omongané Mustarip. Tangané Mbah Asih pancèn alus,lembut,empuk.. “Dadi Pak Jenal karo Mas Hendro wis kenal apik ya karo Mbak Asih. Mulané  Mas Hendro nitip salam”, aku mbuka omongan.

            “Matur nuwun. Mas Hendro pancèn saé sanget”

Aku salaman karo nyekel tangané Mbak Asih rada suwé. Embuh ana getaran apa sing ndadèkna atiku ujug-ujug ngrasakna sawiji keanéhan.Apa maning bareng aku nyawang rainé Mbak Asih, senajan nganggo kacamata ireng,aku bisa weruh pipiné sing putih, cunguré rada mbangir,lambéné ya katon manis.Awaké bangbang,ora dhuwur ora endhèp,rambuté ketel dawa nganti sangisor pundhak. Umpama baé Mbak Asih ora tunanetra, mesthi katon ayu nemen. Ora èram yèn Pak Jenal karo Mustarip olihé mgalem por-poran .

            “Monggo Pak Karmo” Mbak Asih menyat maring dipan.Aku kaya wong dihipnotis,langsung ngglèlèng mengkureb.Mbak Asih njagong nang parek sikil,krasa bokongé nyenggol tungkak.  Tanpa ngomong apa-apa  langsung  pakeanku dilolosi,nganti mung nganggo clana dalem sing tipis.Aku mung meneng thok,persis kaya bocah bayi. Mbak Asih molai mijet awit sing tlapakan sikil,terus maring wentis,dengkul,pupu nganti tekan bokong,bangkèkan lan saterusé. Karo sadhèlat-dhèlat ngecrotna minyak urut sing mambuné khas nemen.Bareng wis setengah jam aku dikon ngathang-ngathang. Sepisan maning aku nyawang Mbak Asih nganti wareg. Ora mung tangané sing trampil ngurut weteng nganti tekan ngingsor wudel. Tapi aku uga merhatèkna tangan kiwané Mbak Asih sing nganggo gelang plastik ireng.

            Karo pijet aku iseng-iseng takon apa dhèwèké sokan dikurangajari daning wong lanang sing dipijeti.

            “Nggih naminé tiyang jaler.Wonten mawon ingkang nakal.Nanging ugi kathah kok piyantun ingkang saé. Kados ingkang saweg pijet niki”, Mbak Asih njawab karo gemuyu.

            “Lha angger Pak Jenal kepriyé ?”

            “Lho Pak Jenal kan dhudho.Dados nggih sok aleman”. Edan , aku ngomong nang ati.Jebulé Pak Jenal ngakuné dhudha. “Pak Jenal anggeré mbayar royal sanget.Nanging menawi bibar pijet nyuwun bonus”

            “Bonus?.Bonus apa Mbak ?”

            “Nggih bonusé werni-werni…héhéhé….”Mbak Asih pesam-pèsem.Angger Mustarip,sing ngakuné tesih bujang arané Hendro,jaré angger bar diupijet njaluké gentènan mijet. Embuh maksudé apa. Ya, nang kamar hotel mung wong loroan thok, apa baé bisa kedadian.

 

**

 

            Esuké, pegawéan kayong lancar nemen. Durung jam loro wis rampung kabèh, aku langsung chek-out. Dadi ora perlu nginep maning.Sadurungé ninggalaken kamar hotel aku tesih sempat mbayangna mau bengi lagi  aku dipijet Mbak Asih. Mbak Asih pancèn ngèin pengalaman karo kesan sing jero nemen. Pengalaman unik pertama aku metu sing kehidupan rumah tangga, sing wis  tak lakoni  nem taun luwih karo Titin. Sakamar bareng karo wong wadon sèjèn, apamaning karo setengah wuda. Aku kayong rumangsa isin.Akh,upamané Titin nganti weruh apa sing tak kerjakna mau bengi nang kamar hotel MS. Nganti nang mobil aku apén-apén ngantuk,padahal aku tesih terus kèlingan Mbak Asih. Tapi ujug-ujug lamunanku buyar, pas mobil liwat nang ngarep pasar. Ndadak Pak Ramli tak kongkon mandheg.

            “Stop Pak ! Pak Ramli tunggu sedhèlat  ya,  aku pan tuku olèh-olèh” , ngomong kaya kuwé aku karo mencolot sing mobil.Padahal aku ora pan tuku apa-apa.Aku mung kagèt,saklèntaban weruh ana wong wadon sing liwat nang ngarep pasar. Wong wadon sing nggawé aku kèlingan maring Mbak Asih. Anèh, bisané ana wong wadon sing  persis kaya Mbak Asih.Dedeg pengadegé,rambuté,jiblès langka sing dibuang.Tapi matané waras,ora cacat,ora tunanetra. Aku terus nginthil nang buriné,jaraké mung limang meteran.Ya Allah, aku babar pisan ora percaya karo apa sing tak deleng. Wong wdon kuwé, nang tangan kiwané nganggo gelang platik ireng. Bisané ?. Rumangsa lagi tak kinthil, dhèwèké mlaku sangsaya gancang. Akhiré, embuh kepribèn,kaya ana sing nggerakna lambé,aku ngundang-undang.

            “Mbak Asih !!”  Tapi dhèwèké ora ngrèwès,terus baé mlaku kebat.Sawisé mlaku rada adoh,dhèwèké mlègok manjing gang.Aku terus nginthil nang buriné. Persis aku nang jèjèré,dhèwèké mandheg.

            “Niki griyo kulo Pak Karmo….” Aku ngunjal ambekan.Wong wadon kuwé pancèn bener Mbak Asih.Aku dijak manjing umah. Nang korsi  tamu sing sederhana nemen,aku karo Mbak Asih njagong adhep-adhepan.

            “Pak Karmo,kulo nyuwun pangapunten.Kulo sampun nggorohi panjenengan lan tiyang-tiyang sanès” Mbak Asih ngomong lirih,matané ngruwicèh arep nangis.

            “Sebabé apa Mbak Asih apèn-apèn picek”, aku takon karo penasaran..Mbak Asih meneng thok,mung nangis mingseg-mingseg karo nyekel lengené aku. Ujug-ujug sing ruang jero keprungu suwara bocah nangis karo undang-undang “ibu…ibuuuu”.Mbak Asih manjing terus metu maning karo nggandhèng  bocah wadon cilik. Masya Allah…aku kagèt luar biasa, nganti ora percaya apa sing tak deleng.Bocah wadon cilik,umuré sapantaran anakku Citra, matané loro-loroné picek !

            “Niki Desi,anak kulo” Mbak Asih ngomong lirih.Aku ora bisa ngomong.Cangkemku kaya dikancing,ora bisa ngetokna omongan apa-apa.”Kulo piyambakan Pak Karmo. Kaliyan bapakipun laré menika  sampun pirakan. Kulo saweg ngempalaken arto kanggé biaya operasi mripatipun Desi.Pramilo…kulo nyuwun, Pak Karmo mboten mbikak rahasia kulo meniko.Nyuwun tulung Pak…panjenengan sampun ngendiko sinten-sinten…kulo ethok-ethok wuto…supados saged mijet wonten hotel..” Mbak Asih nangis karo ndhodhok  nyekel dengkulku. Anaké ya melu-mèlu nangis.Karo rasa trenyuh sing ora kira-kira aku ngrogoh dompet, ngetokna duwit atusan èwu,terus tak kepelna nang tangan mungil  anaké Mbak Asih. Mbak Asih ndremimil ngucapna trimakasih karo mingseg-mingseg.Aku cepet-cepet pamit.Mbak Asih ngaterna tekan latar.Aku mlaku gancang ora nglingak nglinguk maning. Tekan dalan gedhé Pak Ramli eram ndeleng aku metu sing gang.Apa maning aku ora nyangking apa-apa.***

           

            Adiwerna , 12 April 2007

Potret Besem

Cerdhek Tegalan

Daning : M. Hadi Utomo

INTERLOKAL kuwé tak tampa wis bengi nemen, ènggal jam setengah siji. Runtag ora karuan , layap-layap antarané tangi karo turu, nyong gagiyan mlayu marani tèlpon. Suwarané Didi keprungu serak,ndregdheg alon-alon, ngabaraken yèn dèwèké akhiré mutusna arepan pegatan. Didi Fernandi, adhi bontoté nyong, salah sijine artis sinetron sing Jakarta. Wis samesthine kabar ora apik mau tak tampa kelawan sedhih lan kecéwa. Kesedhihan lan kekecéwaan jalaran enyong kudu nrima kenyataan pait, yèn rumah tanggané adhi lanang sing tak èman temenanan, jebulé kudu kandhas nang tengah dalan.Gagang tèlpon tak srogaken.Enyong njubleg karo ngunjal ambekan, ora ngrasa yèn Tari, bojoné nyong wis njagong nang jèjeré.

“Didi pan pegatan Bu. Melasi nemen”, nyong ngomong.

“Aku wis weruh Pak. Mau soré beritané wis metu nang tivi”

“Tivi pancèn luwih cepet. Didi…Didi. Sènggané kowen sing ndhisit ora sida kawin karo Merry”, nyong ngomong alon-alon kaya maring awaké dhèwèk.

“Bapak kayong nyalahna Merry”

“Ya ora…Nyong mung getun.Kecèwa maring Merry.”

“Tak kira ora kur Merry thok Pak. Norma, Beno,koran-koran,tabloid,tivi, kabéh padha mèlu andhil ngruntuhna rumah tanggané Didi. Saiki pancèn serba rèpot.Apa-apa manjing koran, apa-apa manjing tivi”, jaré bojoné nyong rada sèwot terus menyat manjing kamar.

Thèng !. Suara kenthor listrik ditabuh ping siji. Wis jam siji “Wis Pak, turu. Mengko sampeyan malah mriyang”, suwarané bojoné nyong sing je ro kamar Enyong lagi mandeng potrète Didi sing dipajang nang lemari bupèt. Rai sing bagus kayongé lagi nyawang kakangé karo mèsem. Nang jèjèré potrèt, kedeleng tumpukan koran , tabloid karo majalah. Koran-koran kuwé wis mèh telung wulan dikumpulna bojone enyong. Kabèh sing muat berita-berita rentengé rumah tanggané artis Didi Fernandi karo Merry Laksintawati.

Wengi sangsaya nglangut. Enyong ngarti bojoné enyong durung turu.Anak lanangé nyong sing turu nang kamar buri loro-loroné mung keprungu suwara ngoroké.Iseng-iseng tumpukan koran karo tabloid tak jukut terus tak waca siji-siji.

“Retak…Rumah tangga Didi dan Merry diambang kehancuran”, kaya kuwé judul berita sing salah siji tabloid. “Rumah tangga pasangan artis Didi Fernandi dan Merry Laksintawati tengah diterpa badai.Akhir-akhir ini rumah tangga Didi dan Merry sudah tidak harmonis lagi.Keduanya bahkan sudah tidak tinggal serumah lagi alias pisah ranjang.Ditemui disela-sela syuting sinetron Cinta Yang Terpuruk (CYT) dikawasan Puncak,Merry membenarkan bahwa sudah satu bulan ini ia tinggal di rumah orang tuanya dibilangan Cinere.Hal ini dikarenakan rumahnya di kawasan Pondok Labu sedang direnovasi.Ditanya mengenai rumah tangganya yang dikabarkan tengah tidak harmonis, Merry enggan berkomentar. Sementara itu Didi Fernandi yang juga ditemui di lokasi syuting Malam malam Yang Jahanan (MYJ) yang sedang kejar tayang di TV8, ia menolak untuk diwawancarai……..”

Nang tabloid sijiné maning, nyong maca judul berita “ PIL Dibalik Kemelut Rumah Tangga Merry Laksintawati”. Bojoné nyong ngèin tanda garis nganggo sepidhol ireng. Terus ana maning berita sing ditandani nganggo stabilo kuning. Tak waca kaya kiyé :” …

Artis Merry Laksintawati dipergoki sedang berdua denganBeno Pamungkas, lawan mainnya di sinetron Cinta Yang Terpuruk. Keduanya tampak mesra keluar dari sebuah kafe dibilangan Kemang, Senen dinihari yang lalu…..”

Nang edisi saterusé, tabloid sing laris kuwé nulis maning kaya kiyé : “Beno dan Merry Terlibat Cinta Lokasi. Beberapa orang kru sinetron CYT (maksude Cinta Yang Terpuruk) membenarkan bahwa hubungan Merry dan beno sudah menjurus kearah cinlok alias cinta lokasi. Dihubungi melalui HP-nya Beno membantah kabar miring tersebut. Menurutnya hubungannya dengan Merry hanya sebatas teman, yang kebetulan sebagai lawan main disebuah sinetron tersebut.Ketika dicecar wartawan dengan pertanyaan mengapa dalam adegan-adegan percintaan di sinetron tersebut terlihat begitu mesra, Beno mengatakan bahwa itu semata-mata karena tuntutan skenario dan ia hanya menghayati peran dengan total dan maksimal. Anehnya ketika Didi Fernandi suami Merry dimintai komentar mengenai masalah ini, ia hanya menjawab dengan singkat “Aku sangat percaya kepada istriku.Tidak mungkin ia akan melakukan hal-hal yang aneh. Kita kan sama-sama artis yang sibuk”

Nang berita kuwé ana gambaré Beno Pamungkas lagi nyikep karo ngambung lambéné Merry Laksintawati, dicuplik saka adegan sinetron sing lagi laris CYT utawa Cinta Yang Terpuruk.

Thèng !. Thèng !. Kenthor listrik nang parek gardu kamling ditabuh maning.Jam loro.Enyong sangsaya asik ngudhal-udhal tumpukan koran lan tabloid sing wis pating slayah nang méja,korsi,malah ana sing nang jogan.Tari, bojoné nyong, metu sing kamar. Karo mbèrèsna koran sing pating slayah , srog, Tari njagong nang sebelahé nyong. Rupané dhèwèke uga pada bae ora bisa turu. Nyong bisa ngrasakna kepribén perasaané Tari, sing senajan mbakyu ipé,tapi maring Didi wis dianggep kaya adhinè dhèwèk. Semono uga Didi. Malahan seringé, Didi angger ana masalah, njaluk saran utawa gendhu-gendhu rasané ya karo Tari, ora karo enyong.

“Sadurunge ana keputusan pegatan Didi ngomong apa bae Bu”, nyong takon alon-alon.

“Sampeyan kan ngarti Didi bocahé meneng. Malahan aku sing sering tèlpon.Angger aku maca nang koran utawa ndeleng nang tivi berita-berita sing sangsaya miring, aku langsung tèlpon dhèewèké.Tapi jawabané mung kaya kiyé. Yu Tari ora usah mikiri Didi. Sing arané artis digosipi , kuwé biasa. Yu ora usah kuwatir. Rumah tanggané Didi aman-aman baé , Yu…Mesthi jawabané kaya kuwé. Tapi naluriné aku ternyata bener”, Tari ngomong kaya kuwe karo katon sedhih.

Enyong terus mbuka-mbuka tabloid sing tèsih akèh numpuk nang méja. Ana berita sing dikluweri nganggo spidhol abang. Terus tak waca, judhulé “Didi Fernandi Kembali kedalam Pelukan pacar Lama”. WIL penyebab kehancuran mahligai rumah tangga Didi-Merry ternyata Normasari, mantan artis bomseks yang kini berusia 36 tahun dan beralih profesi sebagai pengusaha agrobisnis. Selama pisah ranjang dengan Merry Laksintawati,

artis Didi Fernandi sering dipergoki menginap di villa mewah milik Normasari di dekat Megamendung. Sebagaimana diketahui sebelum menikah dengan Merry, Didi yang saat itu baru berusia 21 tahun dan tengah merintis didunia akting, telah menjalin hubungan serius bahkan telah hidup bersama sebagaimana layaknya suami istri dengan mantan artis Normasari”.

Berita kuwé ana fotoné Normasari sing lagi aksi pose merangsang nganggo busana renang. Koran-koran sèjène uga akèh sing muat berita sing padha kaya kluwé, mung judhulé béda. Ana sing masang judhul “Tinggalkan Merry yang muda dan cantik, Didi kembali jatuh kedalam pelukan Normasari. Didi korban guna-guna,atau….??” . Ana judhul maning “Didi-Norma , Hubungan yang Penuh Misteri. Didi Fernandi, Apa Yang kau Cari??”

Judhul-judhul berita kuwé nggawé enyong njubleg karo nglamun. Ngarti enyong lagi asik nglamun kaya kuwé, Tari ora wani ngomong apa-apa. Dhèwèke menyat maring mburi,keprungu dhèwèké banyu wudhu,terus manjing ruang pesolatan.

Esih ana koran sing durung tak waca tapi matané enyong wis sepet. Kacamata tak copot. Enyong slonjor ngathang-ngathang nang sofa, endhas tak ganjel bantal kursi , mata tak meremna karo nata ambekan. Sawetara kuwé, ujug-ujug katon lamat-lamat rainé Didi,terus Merry,terus Norma…gonta ganti lunga teka . Terus gambar-gambar kuwé obah-obah, kaya gambar nang layar bioskop tapi ngombak banyu, antara parek karo adoh. Ujug-ujug katon wèlan potrété adhi bontoté enyong Didi Fernandi sing tésih cilik. Umure sangang taun, kelas telu SD. Didi nglèthak nang pinggir kali.Klenger. Ana getih sing mancur saka plakangané. Trinjilane sing tèsih katon cilik suwèk. Waktu kuwé Didi karo kanca-kancané adus-adusan, ambyur sing brug kali cilik parek umah. Embuh kepriben asal jebabulé, weruh-weruh trinjilané suwèk kecucus pring sing nyongat nang pinggiré brug. Didi tak bopong maring umah. Terus karo jenaté ibu tak gawa nang rumah sakit.Sawisé dijahit nang ruang gawat darurat,Didi langsung diopname.Ibu katon syok weruh bontoté sing ngglèthak nang dipan, rainé pucet nangis lirih-lirih.karo ngomong : “Tong..kowen kenang apa tong…?”

Enyong tèsih bisa kèlingan lagi ibu takon karo wisikan maring dokter sing mriksa.

“Dok, nopo anak kulo mangké saged normal malih dok?”

“Normal kados pundi Bu”, dokteré balik takon.

“Maksudipun, nopo laré kulo mboten peluh…nopo mangke saged gadhah anak?”

Enyong melu-melu kaget krungu pitakoné jenaté ibu sing kaya kuwé. Dokteré ngarih-arih.

“Mugi-mugi mboten Bu.Asal tatuné enggal saras”

Enyong nyawang jenaté ibu sing katon sedhih nemen.Bareng wis sepuluh dina Didi olih balik.Tatuné wis timah-timah. Tapi wis bisa nganggo clana maning, wis bisa mangkat sekolah.Tapi saben esuk anggeré Didi tangi turu ibu langsung ngongkon enyong mriksa manuké Didi, apa bisa ngecucung kaya manukéenyong. Bareng tak lapori yèn manuke Didi durung bisa ngecucung, ibu katon sangsaya sedhih nemen.

Sawetara kuwé Didi sangsaya gedhé sangsaya gedhé, dadi bocah remaja sing nggantheng, bagus rupané.Ndèyan kebagusané Didi nurun sing ayuné jenaté ibu. Dedegé dhuwur

kaya almarhum bapané nyong, rainé lonjong,cunguré mbangir,alisé ketel, ndadekna akèh bocah-bocah wadon sing pada seneng. Lagi nang SMU Didi ping pirang-pirang nyabet juara lomba top model, malahan tau dadi juara cover boy majalah remaja. Bareng kuliah nang akademi perbangkan nang Jakarta, Didi nyambi ngrintis karir dadi fotomodel, terus cepet ngrambah maring jagat sinetron. Ya senajan kuliahé akhiré kapiran,enyong sasedulur pada bangga duwé adhi bisa dadi artis sing saben dina muncul nang layar kaca. Sayang ibu wafat sadurungé sempat ngranapi Didi Fernandi anak bontot kesayangané dadi artis terkenal.Masalah “manuké Didi” sing gemiyèn sering dikuwatiraken jenatéibu, akhiré ora tau kepikiran maning.

“Pak,pak…bisané saré nang korsi sih?.” Ujug-ujug enyong krasa pundhaké ana sing ngoyag-ngoyag. Enyong nggragap. Jebulé Tari nangèkna enyong sing lamunan dawa nemen. Lap, gambar-gambar sing kaya potrèt burem siji-siji pada ngilang. Nyong istighfar.Tak deleng jam dinding wis nudhing jam papat seprapat.Enyong njenggèlèk tangi nginthil Tari manjing kamar,terus ngglèlèng nang sebelahé.

“Muga-muga prosès pegatané Didi karo Merry ora kesuwèn”, ujug-ujug Tari ngomong kaya kuwé.

“Ya, muga-muga baé.Tapi, bisane ibu ngomong aja kesuwèn?”

“Bapak ngarti, wis mèh telung wulan kiye kabèh wong nang kota cilik kiyé ngomongna kasusé Didi karo Merry. Nang kota kiyé kan akèh sing ngarti yèn aku kuwé mbakyu ipéné Didi. Nang arisan,nang pengajian,nang pasar, pokoké aku sering ditakoni masalahée Didi.”

“Pada baéBu.Aku ya kaya kuwé.Kayongèn anggeré aku liwat kabèh mata padha mlothot ndelengna maring aku. Maklum ya, wong-wong kan padha seneng ngomongna gosip”

“Bener Pak. Tapi, sampéyan wis tau krungu durung”

“Krungu apa Bu”, nyong penasaran.

“Jaréwong-wong pak, pecahé rumah tanggané Didi karo Merry kuwé, jalaran Didi ora bisa ngèin kepuasan…maksudé…Didi kuwé, nuwun sewu, peluh utawa….impoten.Bener ora dhongé Pak?” Ditakoni kaya kuwé nyong ngrajug nemen. Tapi nyong apèn-apèn tenang karo golèt jawaban sing pas. Tapi bojoné nyong takon manng.

“Bener apa ora Pak?. Ilokèn Bapak ora ngarti?”

“Didi impotèn?. Kayongèn tah ora Bu.Sing paling ngarti masalah kiyé kan Merry.. Merry kan ora tau ngresulah masalah kiyé o Bu. Mbuh ngomong nang koran mbuh nang tivi”

“Ya mesthi ora o Pak. Merry ora mungkin ngomong kaya kuwé”, Tari njawab katon tèsih durung puas. Ayam jagoné tangga ujug-ujug kukuluruk seru nemen. Sadhèlat maning subuh.Tèlpon moni, kring. Enyong gagiyan mlayu nang ruang tengah terus ngangkat gagang tèlpon.Jebulé sing nèlpon Merry. Sawisé dhèwèké njaluk maap soalé èsuk-èsuk wis nèlpon, terus ngomong basa basi sèjèné, Merry njaluk ngomong karo Tari.Pancen,biasané ya kaya kuwé. Sajegé dadi bojoné Didi, Merry luwih akrab karo Tari tinimbang karo enyong. Tèlpon tak serahna maring Tari.

“Halo Mer…iya iya. Kami baru bangun mau subuhan. Sudah, sudah tahu. Tadi malam Didi telpon masnya. Iya. Sebenernya alasan prinsipnya apa sih, yang..?. Iya…. alasan gugatan kamu itu lho.Oooo..Cuma itu?. Dudu masalah

momongan?.Ya sudah.Kalau memang sudah jadi kesepakatan ya bagaimana lagi. Mudah2an prosesnya cepet selesai ya”

Sawisé ngomong rupa-rupa, Merry ngesrogna gagang tèlpon. Enyong ora sranta langsung takon.

“Ibu mau takon alasané Merry nggugat cerai?”

“Ya iya oh…Jaré sih, wis ora nana kecocokan,beda prinsip…terus sing penting,jaré Merry, dudu masalah ora gagiyan olih momongan”

“Dadi alasane kaya kuwe thok?. Berarti dudu masalah im…”, enyong ora kongsih nutugna omongan, soalé anaké nyong sing nomer loro ,si Bagus weruh-weruh wis metu sing kamar.Suara adzan sing spèker mushola parek umah wis keprungu seru nemen. Sadhélat maning subuh. Enyong gagiyan ngincig maring kamar mandi. Karo nelesi bathuk enyong mikir, saoran-orané enyong durung tau goroh maring Tari, masalah sing paling pribadi adhi bontoté enyong Didi Fernandi.***

Adiwerna, Maret 2003.