Silah kupeng

Silah kupeng sadawaning wengi
Silah kupeng nganti jēmpēr
Raina sing gawē dzikir sangsaya leled
Jenthik penudhuh terus rēmbētan
Nglurut tut siji wijil tasbēh
karo ngēja asmaNē alon-alon :
“Ya Allah, Gusti…Gusti…”.Sekal dadi sepi.
Mung ana suwara sing lamat-lamat
adoh, nang awang uwung
Suwara lirih metu sing jero pulung ati
Awak sekal dadi atis.Balung krasa dilorod. Enyong nglempuruk..
Sawetara para Malēkat pirang-pirang padha jēntrēk
Nyebarna ganda ngluwihi arumē ratus wangi
Kumpul nang ngarep mihrab.Melu – mēlu dzikir.
“Duh Gusti, wis pirang ēwu enyong nyebut :
Asma Panjenengan, Nanging……”
Akēh sing nyong durung ngarti.
Enyong mung nurut kegawa langkah, kaya si pucung
Disurung ngalor – enyong ngalor
Disurung ngētan – enyong ngētan
Dikon mundur – nyong mundur.
Kaya undur-undur kebo bukur.

(Diilhami dari An Nur /24 : 41)